Монгол кино үйлдвэрийн ерөнхий инженер П.Төмөртогтох Соёлын гавьяат зүтгэлтэн цолоор шагнууллаа. Тэрбээр “Монголын кино урлагт 60 гаруй жил ажиллахдаа Монгол киног дэлхийн түвшинд хүргэхийн тулд хичээсэн. Герман, Франц зэрэг өндөр хөгжилтэй орнуудаас техник тоног төхөөрөмжийг нь нийлүүлэх тал дээр их анхаарч ажилласан. Бидний хийсэн хамгийн том ажлын нэг бол 1978 онд кино үйлдвэрийг өргөтсөнийг хүлээж авч шинэчлэх ажлыг гардан хийсэн. Ингэсний үр дүнд “Мандухай цэцэн хатан”, “Мөнх тэнгэрийн хүчин доор” тэргүүтэй олон бүтээл түүрэвсэн төдийгүй бидний кино зүүн хойд азийн дэлгэцээр гарч чадсан юм. Ингэхэд мөн нам засаг , хамт олон минь асар их туслалцаа үзүүлсэн. Кино урлаг үүсэж хөгжсөний 90 жилийн ой гэдэг бол манай хамт олны 60 гаруй жилийн үр дүн байгаа юм” гэлээ.