Багш нарын ажил хаялттай холбоотойгоор Боловсролын сайд П.Наранбаяр мэдээлэл өглөө.

Тэрбээр “Ажил хаялтыг зогсоох, хамтын хэлэлцээ хийх саналаа бидний зүгээс тавьсаар байгаа. Өнөөдрөөс хэлэлцээрийн ширээнд суух байх, ажил хаялт ойрын хугацаанд зогсоно гэсэн итгэл байна. Энэ бүхний эцэст боловсрол урагшаа явах ёстой. Боловсролд оруулж байгаа хөрөнгө оруулалт. Энэ бол хүнд зориулсан хөрөнгө оруулалт гэдэг дээр ижил байр суурьтай байгаа. Багш нарын цалинг хэдэн хувиар нэмэх талаар ярилцаж байна. Эдийн засгийн тооцоон дээр суурилах хэрэгтэй. Багшийн үндсэн цалинд оновчтой түвшинд хүргэж, 2.5 саяд хүргэхээр ярилцаж байна. Бидний хувьд сайтар ярилцах хэрэгтэй. 3.5 саяд хэрхэн хүргэх вэ гэдэг төлөвлөгөө гаргана. Цаашид цалингийн асуудлыг тойрсон улс төржилтийг хийхгүйгээр урагшаа харах хэрэгтэй. Ойрын хугацаанд 3.5 саяд хүргэнэ. Энэ жилийн хувьд төсөл яригдаж байгаа энэ цагт ямар ч боломж байхгүй. Боловсролын салбар дахь цахим шилжилт чухал байгаа. Нийслэлийн нийт сургуулийн 60 орчим хувь нь ажил хаясан. Ажил хаялт нь бие даалтын долоо хоногтой давхацсан. Одоо ажил хаялт үргэлжлэх юм бол сурагчид хичээлийн хоцрогдол орох эрсдэлтэй байна.