Байгалийн аюулт үзэгдлийн талаарх хоногийн мэдээллийг Онцгой байдлын ерөнхий газраас танилцууллаа.

Ховд аймгийн Зэрэг суманд 3.9, Хөвсгөл аймгийн Ханх суманд 4.7 магнититудын хүчтэй газар хөдөлжээ. Тодруулбал, Ховд аймгийн Зэрэг сумын Бургасан багийн Шар хөтөл гэдэг газар аймгийн төвөөс зүүн урд зүгт 145 км, сумын төвөөс баруун зүгт 16 км-т, хоёрдугаар сарын 15-ны өдрийн 21:14 цагт 3.9 магнитудын хүчтэй газар хөдөлсөн байна. Газар хөдлөлтийн улмаас тус сумын иргэдэд ямар нэгэн хохирол учраагүй байна.

Мөн Хөвсгөл аймгийн Ханх сумын Хороо багийн Долоон уул гэдэг газар аймгийн төвөөс хойд зүгт 347 км, сумын төвөөс баруун зүгт 30 км-т, өчигдөр 22:23 цагт 4.9 магнитудын хүчтэй газар хөдөлсөн тухай мэдээллийг 22:28 цагт Одон орон, геофизикийн хүрээлэнгээс цахим шуудангаар хүлээн авчээ. Тус сумын Засаг дарга Л.Даваабаяраас энэ талаар тодруулахад “Манай суманд өдөр бүр газар хөдөлж байгаа. Өчигдөр 4.9, өнөөдөр 4.3 магнитудын хүчтэй газар хөдөлсөн. Өдөрт 6-7, 2-3 удаагийн давтамжтай хөдөлж байгаа. 3.5 магнитудаас дээш 100 гаруй, 20-30 мянган удаагийн чичиргээ мэдрэгдсэн. Газар хөдлөлт өдөр ирэх тусам сумын төв рүү ойртож байгаа” гэлээ.