“Зөв хүн электрот” эвслээс “Ерөнхийлөгчөө захиалъя” аяныг өрнүүлж байгаа талаар мэдээлэл хийлээ. Энэ үеэр УИХ-ын гишүүн, ХҮН-ын дарга Т.Доржханд “Ерөнхийлөгчийн сонгуульд нэр дэвшигчийг олон нийт, гишүүд, дэмжигчдээсээ нээлттэй санал авч, хуулийн хүрээнд тодруулна. Нэр дэвшигч монголчуудаа төлөөлж чадах, хулгай хийдэггүй, худал ярьдаггүй, нэр цэвэр, хүсэл тэмүүлэлтэй хүн байх ёстой" гэдгийг онцолсон юм.

Мөн Монгол Улсын Ерөнхийлөгчийн сонгуулийн санал авах өдөр зургадугаар сарын 9-нд байхаар тогтсон. Энэ удаагийн сонгуульд Ерөнхийлөгчөө захиалах эрхийг энэхүү аянаараа олгож байгаа аж. Тэрбээр "Иргэд www.zuvhun.mn веб хуудсаар зочлон, Ерөнхийлөгчөөр сонгогдон ажиллавал зохих хүний мэдээллийг илгээх боломжтой. Хуулийн шаардлага хангасан Монгол Улсын иргэн хэнийг ч нэр дэвшүүлэхээр саналаа ирүүлж болно” гэлээ.