Өчигдөр нийт 7065  хүнд шинжилгээ хийхэд  нийслэлд 16  хүнээс халдвар илэрлээ. Дээрх хүмүүс нь Баянзүрх дүүргийн хоёрдугаар хорооны 4, 5, 8 хэсгийн голомтод бүртгэгдсэн халдваруудын хавьтал юм. Мөн ЭМЯ-ны нэг ажилтан халдварт өртсөн учраас яамны 128 хүнд шинжилгээ хийсэн. Урьдчилсан байдлаар шинжилгээний хариу сөрөг гарсан. Таван хүнийг тусгаарлан, 28 хүнийг гэрийн ажиглалтад авсан. Шинээр илэрсэн 16 тохиолдлын 14 нь Баянзүрх дүүрэгт илэрчээ. Мөн Баянзүрх дүүргийн хоёрдугаар хороонд өргөжүүлсэн шинжилгээ хийхэд 1069 хүн хамрагдсан. Шинжилгээ үргэлжилж байна. Улаанбаатар хотын Баянзүрх дүүрэгт 425, Баянголд 158, Сүхбаатарт 42, Сонгинохайрханд 76, Хан-Уулд 53, Чингэлтэйд 43, Налайхад хоёр, Багануурт нэг тохиолдол батлагджээ.

Сүүлийн өдрүүдэд хөдөө явахаар дүүргүүдийн шинжилгээний цэгт шинжилгээ өгсөн хүнээс халдвар илэрч байна. Тэр хүнийг тандан судлах явцад халдварын батлагдсан тохиолдолтой хавьтал болсон нь илэрсэн. Өчигдөр салбар хоорондын байгууллагуудын хамтарсан эрсдэлийн үнэлгээ хийхэд нийслэлийн хэмжээнд халдвар тархах эрсдэл маш өндөр гарсан. Сүүлийн үед Баянгол дүүргийн 19 байр, Баянзүрх дүүргийн хоёрдугаар хорооны халдварын  голомт идэвхтэй байна.