Иргэд худалдааны төвөөр үйлчлүүлэхээс гадна такси, нийтийн тээврээр зорчихдоо QR код уншуулдаг болжээ. Тодруулбал, нийтийн тээврийн үйлчилгээнд гарч буй автобус, такси  байршил тогтоогчтой болсон байна. Ингэснээр зорчих хөдөлгөөнийг бүртгэлжүүлэх боломж бүрдэж буй.

Нийтийн тээврийн автобусаар өчигдөр 06:00-10:00 цагийн хооронд 45538 зорчигч үйлчлүүлжээ. Тусгай зөвшөөрөл бүхий байгууллагууд 912 автобус, 84 таксинд ариутгал, халдваргүйжүүлэлтийг хийсэн байна. Хөдөлгөөнт болон суурин 15 байршилд автотээврийн хяналтын улсын 17 байцаагч, 205 шалгагч ажиллаж байгаа юм. Мөн нийслэлийн хэмжээнд автобусны зорчих карт цэнэглэх 220 цэг ажиллаж байгаа юм.