УОК-ын шуурхай штабаас мэдээлэл хийлээ. Гадаадад гацсан иргэдээ хэрхэн татаж авах талаар ГХЯ-ны Консулын газрын захирал Л.Мөнтүшиг “Өнгөрсөн хоёр сар гаруйн хугацаанд тусгайн үүргийн нислэг цуцлагдсантай холбоотойгоор хилийн чанадад байгаа иргэдэд тусламж хүргэхэд түлхүү анхаарсан. Одоогийн байдлаар арваннэг, арванхоёрдугаар сард нислэг нь цуцлагдсан 100 гаруй иргэнд санхүүгийн тусламж үзүүлсэн. Тусгаарлах байрны асуудлаас болж гадаадад гацсан иргэдээ авч чадахгүй байлаа. УОК-ын шийдвэрийн дагуу нэгдүгээр сарын 22, 31-нд БНСУ руу нислэг үйлдэж, 320 орчим иргэдээ авахаар боллоо. Мөн хоёрдугаар сарын нислэгийн саналыг УОК-т хүргүүлсэн. Нэгдүгээр сарын 27-нд хоёрдугаар сард нисэх нислэгийн хуваарийг мэдэгдэнэ. Сүүлийн үед эх орондоо ирэх хүсэлт гаргасан иргэдийн тоо эрс нэмэгдсэн. Одоогийн байдлаар 8433 хүн нутаг буцах хүсэлт гаргаад байна” гэлээ.