БНСУ-д гацаж, эх орондоо ирэх хүсэлтээ удаа дараа ирүүлж байсан монгол залуу нас барсан талаар эх сурвалж мэдээллээ.Талийгаач эх орондоо ирэх хүсэлтээ өнгөрсөн арванхоёрдугаар сард гаргасан байжээ. Энэ талаар  эх сурвалжаас тодруулахад “1986 онд төрсөн 35 настай залуу юм билээ. Өчигдөр орой унтаад өглөө сэрээгүй гэсэн. Талийгаач ямар нэгэн өвчин эмгэггүй байсан бөгөөд учир битүүлгээр нас барсан гэнэ. Энэ талаар ар гэрийнхэн нь Консулын газар руу залгаж мэдэгдсэн байна лээ. Элчин сайдын яамны гадаа жагсаал хийж байсан иргэдэд ийм мэдээлэл байна” гэв.

Өнөөдөр ирэх онгоцоор 165 иргэн эх орондоо ирэх бөгөөд жирэмсэн гурав, бага насны хүүхэдтэй гэр бүл долоо, өндөр настан нэг, эрүүл мэндийн шалтгаантай 20, ар гэрийн гачигдалтай 94, саатуулах байранд байсан 40 иргэн ирэх аж. Иргэдийг “Зүчи”,” Мичид-2” зочид буудал болон “Наранбулаг” амралтын газарт тусгаарлана.