ХӨСҮТ-ийн Тандалт, судалгааны албаны дарга А.Амбасэлмаа коронавирусийн тархалттай холбоотой мэдээлэл хийлээ. Тэрбээр “Өмнө нь Баянзүрх дүүргийн нэгдсэн эмнэлэгт зүрхний архаг дутагдалтай, зүрхний хэм алдагдсан, судасны бөөгнөрөлтэй, архаг хууч өвчтэй 76 настай эрэгтэй эмчлүүлж байсан. Энэ сарын 4-ний өдөр ХӨСҮТ-д коронавируст халдвартай гэх оноштой ирсэн.  Тав дахь хоног дээрээ эмчлэгдэж байгаад нас барсан. Мөн “Мөнххада” ХХК-иас улбаатай 17 иргэн коронавирусийн халдвар авсан байна. Үүнээс зургаан ажилтан, тэдний гэр бүлийн 11 хүн халдварласан байна. Мөн ХӨСҮТ-ийн ажилчидтай холбоотой 16 хүн халдварт өртсөн. Эдгээр 3-4 голомтын хүрээ хязгаарыг барьж тогтоох ажил үргэлжилж байна” гэв.