Иргэн С-ийн гэр шатаж, бага насны хоёр хүүхэд түлэгджээ. Тодруулбал, “Баянзүрх дүүргийн X хороо, Дэнжийн гудамжинд гэр шатаж байна” гэсэн дуудлага Онцгой байдлын албаны утсанд өчигдөр 13:13 цагт ирсэн байна. Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчид 10 км замыг туулан очиж иргэн С-ийн таван ханатай гэр шатаж байсныг бүрэн унтраажээ. Гал түймэрт 58 настай, эмэгтэй Б-ийн толгой, цээж, хоёр гар, 13 настай, эмэгтэй С-ийн толгойн хэсэг, гурван настай охины баруун хөлний шилбэ түлэгдсэн байна. Онцгой байдлын албаны гал сөнөөгчид түлэгдсэн иргэдийг ГССҮТ болон Бянзүрх дүүргийн цагдаагийн III хэлтэст хүлээлгэн өгсөн аж.

Мөн өчигдрийн улсан хэмжээнд байшин, гэр шатаж байна гэсэн долоон дуудлага бүртэгдсэн байна.