Хиймэл оюун ухаан хөгжүүлэгчдийн Монголын холбооноос “Hunspell” (http://hunspell.github.io/) программд суурилсан монгол үгийн алдаа шалгах толь бүтээжээ. Олон нийт үнэ төлбөргүй ашиглах боломжтой уг тольд 36 мянга орчим үгийн үндэс, 200 сая гаруй хувиллыг агуулсан байна.

Тус толийг 2001 оноос хөгжүүлж эхэлжээ. Мөн Ц.Дамдинсүрэнгийн  “Монгол үсгийн дүрмийн толь” болон “Монгол хэлний зөв бичих дүрмийн журамласан толь” зэрэг зургаан толь бичигт үндэслэн боловсруулсан байна.Толийг хэвлэлийн эх бэлтгэгч “Adobe InDesign” программаас авахуулаад “Mozilla Firefox” интернэт хөтөч зэрэг “Hunspell” дэмжин ажилладаг программуудад ашиглах боломжтой аж. Толь ашиглах зааврыг https://zuv.bichig.dev/ сайтаас үзэх боломжтой.