БЗД-ийн эмнэлгийн голомтын халдвар таваар нэмэгдэж 136 болжээ.  Улсын хэмжээнд нийт 1069 коронавирусийн халдвар бүртгэгдсэн байна. Үүний 605 тохиолдол нь дотоодод илэрсэн гэж ЭМЯ-наас мэдээллээ.

Тодруулбал, БЗД-ийн эмнэлгийн голомтоос илэрсэн таван хүний хоёр нь өвчтөн, мөн хоёр сахиур болон гэр бүлийн хавьтлын хүн нэг байна. Тус эмнэлэгт хэвтэн эмчлүүлж буй 73 иргэн,  23 сахиур, 16 эмнэлгийн ажилтан, 24 гэр бүлийн хавьтал, эмнэлгээс гарсан есөн хүнээс коронавирус илэрсэн байна. Одоогийн байдлаар БЗД-ийн эмнэлэгт гарсан голомтоос  хүүхдэд халдвар илрээгүй. Харин 20-86 насны иргэд халдвар авсан байна. Тус эмнэлгийн насанд хүрэгчдийн эмчилгээний тасагт эхний тохиолдол гарснаас хойш 71 том хүн, 14 хүүхэд эмчилгээ хийлгэсэн  гэж ХӨСҮТ-ийн Тандалт, судалгааны албаны дарга А.Амбасэлмаа хэллээ.