Тулгар төрийн 2232 жил, Их Монгол Улсын 817 жил, Үндэсний эрх чөлөө тусгаар тогтнолоо сэргээн мандуулсны 112 жил, Ардын хувьсгалын 102 жилийн ой, Үндэсний их баяр наадамд үзүүрлэж, Улсын Гарди цол хүртсэн Ц.Бямба-Отгоны талаарх сонирхолтой баримтыг хүргэж байна.

        Улсын гарди Ц.Бямба-Отгон даян аварга Н.Батсууриар найм давж, улсын гарди цолны болзлыг хангаад байгаа билээ. Ингээд түүний талаар баримтуудыг хүргэж байна.

21 настай сумын заан цолтон болжээ

      Тэрбээр 1995 оны гуравдугаар сарын 11-нд Өвөрхангай аймгийн Төгрөг суманд төрсөн.  Ц.Бямба-Отгон  21 настайдаа Өвөрхангай аймгийн Төгрөг сумын наадамд түрүүлж,  сумын заан цол хүртжээ. Улмаар 2019 онд Өвөрхангай аймгийн наадамд шөвгөрч, аймгийн заан цолтон болсон.

Улсын арслан Ц.Содномдоржийг гурав давсан нь

     Ц.Бямба-Отгон аймгийн заан цолтой байхдаа улсын арслан Ц.Содномдоржтой заалны барилдаанд гурван удаа учраа таарч, гурав даван олныг шуугиулж байлаа. Тэрбээр 2022 оны Үндэсний их баяр наадамд Улсын аварга С.Мөнхбатаар долоо давж, улсын харцага цолонд хүрч байсан түүхтэй.

77 жилийн дараа төрсөн улсын цолтон

     Ийн Өвөрхангай аймгийн Төгрөг сумаас 77 жилийн дараа улсын цолтой бөх улсын харцага Ц.Бямба-Отгон юм. Тэрбээр 2023 оны Үндэсний их баяр наадмын хүчит бөхийн барилдаанд найм даван улсын гарди цолны болзол хангаж, үзүүр түрүү булаалдахаар тунаж үлдээд байна.