Нүүрсний экспорт, тээвэрлэлтийн асуудлаар нээлттэй сонсгол эхлэлээ. Энэ үеэр жагсагчдын төлөөллөөс тавьж байгаа шаардлагаа танилцуулаа.

Жагсагчдын төлөөлөл  “Арванхоёрдугаар сарын 4-ны өдрөөс эхлэн 18 хоног жагслаа. УИХ-аас нүүрс тээвэрлэлт, экспорттой холбоотой асуудлаар холбогдох эрх бүхий танилцах байгууллагуудын тайлан, мэдээлэлтэй танилцах ерөнхий хяналтын сонсгол товлогдсон боловч зохион байгуулалт нь нийтийн сонсголын тухай хуульд заасан "Нийтийн сонсголын төрийн удирдах хэрэгт, иргэдийн оролцоог хангаж ажиллана" гэсэн зарчимд нийцсэнгүй. Сонсгол дагагч УИХ-ын гишүүн С.Чинзориг сонсголын эрх бүхий албан тушаалтыг хаалттай хүрээнд иргэдийн оролцоогүйгээр эхлүүлэх гэж завдлаа. Гэтэл сонсголд бүртгүүлсэн иргэд төрийн ордонд нэвтэрч чадахгүй байна.  Сүхбаатарын танхимд УИХ-ын гишүүд нэр заасан ширээнд суусан байдалтай,  цөөн иргэнийг Их Эзэн Чингис хааны танхимд тусгаарлан хурлын эхлүүлэхийг гэсэнд иргэд бухимдаж байна. Хурлыг хийх танхимд зохион байгуулан тал бүрийн оролцоог хангаж, өргөтгөсөн байдлаар хийхийг шаардсан. Ийнхүү иргэдийн саналаар өөрчлөлт орж, их танхимд зохион байгуулахаар болсон тул сонсголын хөтөлбөр болон хурлын дэг зохион байгуулалтын шинэчлэн тараах өөрчлөлтийг оруулахыг шаардаж байна.

• Нэгдүгээрт, Сүхбаатарын талбай дээрх жагсагчдын нэмж ордонд оруулж ирэх. Гадаа жагсагчид байгаа, ордон руу оруулахгүй байна.
• Хоёрдугаарт, УИХ-ын даргын 2022 оны 190 дүгээр захирамж буюу УИХ-ын эдийн засгийн байнгын хорооны ерөнхий хяналтын сонсголын тов тогтоох, сонсгол дагагчийн сонгох тухай 18 дугаар тогтоолыг өөрчлөн ажлын хэсгийн бүрэлдэхүүнд иргэдийн төлөөллийн оролцуулах, хурал дагагчийн ард түмний дундаас сонгох.
• Гуравдугаарт, Үндэсний аюулгүй байдлын зөвлөлийн гишүүд болох ерөнхийлөгч У.Хүрэлсүх, УИХ-ын дарга Г.Занданшатар, Ерөнхий сайд Л.Оюун-эрдэнэ нарыг тус сонсголд оролцуулахыг уриалж байна.
• Дөрөвдүгээрт, нүүрсний хэрэгт холбогдсон улстөрч, нөлөө бүхий хүмүүсийн нэрсийг зарлаж, тус сонсгол оролцуулах ёстой.
• Тавдугаарт, Нийтийн сонсголд оролцож байгаа хүмүүст нээлттэй үг хэлэх эрхийг нь олгож өг. Бүх хүн үг хэлэх эрхтэй.  
•