Манай улсад томуу, томуу төст өвчний дэгдэлт оргил үедээ хүрчээ. Ялангуяа сургууль, цэцэрлэгийн насны хүүхдүүд энэ төрлийн халдварт өртөх нь элбэг болсон байна. Түүнчлэн иргэд өөрсдийгөө болон үр хүүхдээ томуугийн дэгдэлтээс сэргийлэх нь чухал гэдгийг мэргэжлийн эмч нар зөвлөж байлаа. Тиймээс халдвар судлаач Г.Ариунбаяр томуугаас урьдчилан сэргийлэх зөвлөмжийг дараах байдлаар хүргэсэн юм. Тэрбээр “Томуугаас урьдчилан сэргийлэхийн тулд сод, давс, царвангийн уусмалаар ам зайлах, хоёр цаг тутам агаар сэлгэлт хийх ёстой. Мөн хамранд тосон түрхлэг түрхэж, гараа савандаж угаах, сармисыг хоол хүнсэндээ тогтмол хэрэглэж, C витаминтай бүтээгдэхүүн хэрэглэх нь чухал юм. Ялангуяа бага насны хүүхэд улиралдаа тохируулан хувцаслах нь томуугаас урьдчилан сэргийлэх чухал арга зам. Мөн эмнэлгийн орчинд вакцинжуулалтад байнга хамрагдахыг эрүүл мэндийн байгууллагаас зөвлөдөг. Вакцинжуулалтад ахмад настан, цэцэрлэг, сургуулийн сурагчид, архаг хууч өвчтэй хүмүүс, жирэмсэн эмэгтэйчүүд урьдчилан сэргийлэх үүднээ хамрагдах нь зүйтэй” гэв.