Дархан-Уул аймгийн Дархан сумын гуравдугаар багийн нутаг дэвсгэрт “Тэс Петролиум” ХХК-д  гал түймэр гарлаа” гэх дуудлага 09:21 цагт Онцгой байдлын газарт ирсэн байна. Энэ талаар Дархан-Уул аймгийн Онцгой байдлын газрын мэргэжилтэн С.Сарангаас тодрууллаа. Тэрбээр “Алба хаагчдыг очиход 2000 тоннын багтаамжтай АИ-92 шатахууны нөөцийн сав шатаж байсан. Дуудлагын дагуу Гал түймэр унтраах, аврах 22, 54, Сэлэнгэ аймгийн Онцгой байдлын газрын Гал түймэр унтраах, аврах 19, 61 дүгээр ангийн алба хаагчид  бүрэн бүрэлдэхүүнээрээ үүрэг гүйцэтгэж байгаа. Алба хаагчид гал унтраахаар хэргийн газар ажиллаж байгаа учир тэдэнтэй холбогдох ямар ч боломжгүй. Мөн гал юунаас болж гарсан болох нь шинжээчийн дүгнэлтээр тодорхой болно” гэлээ.