Манай улсын 63 иргэн самар түүж яваад ОХУ-ын хил давсан тухай манай сайт өмнө нь мэдээлсэн. Харин тэдгээр иргэдийг буцаан авсан эсэх талаар Хил хамгаалах ерөнхий газрын хэвлэл мэдээлэл, олон нийттэй харилцах албаны дарга Д.Энхтайванаас тодрууллаа.

     Тэрбээр “Бид самар түүж яваад ОХУ-ын хил давсан иргэдийг маргааш нь буюу энэ сарын 8-нд эд хөрөнгөтэй нь татаж авсан. Иргэдийг Сэлэнгэ аймгийн Онцгой байдлын газар, Мэргэжлийн хяналтын ерөнхий газрынхан болон бусад удирдлагууд хэчнээн хоног тусгаарлахыг мэднэ. Бидэнд хэд хоног тусгаарлах талаар мэдээлэл ирээгүй байна. Харин иргэдийг ямар шалтгааны улмаас хил давсан болохыг Тагнуулын ерөнхий газраас шалгаж, холбогдох хуулийн дагуу хариуцлага тооцно” гэлээ.