Улсын онцгой комиссын хуралдааны шийдвэрийг танилцуулж байна. Энэ үеэр Эрүүл мэндийн сайд С.Энхболд “Манай улсад цар тахлын давлагаа дахин  эхэлж байна. Бусад улс оронд мөн адил халдварын тохиолдол нэмэгдэж байна. Маскаа зүүхээ больсон улс орнууд буцаж амны хаалтаа зүүж байгаа. Манай улс Япон Улс руу 50 шинжилгээний сорьц явуулсан. Тус сорьцоос таван сорьцод дельта вирус илэрсэн байна.

УОК-ын дэргэдэх эрдэмтдийн гаргасан судалгаагаар манай улсад тархаж буй халдварын 80-90 хувьд нь мутацлагдсан байна гэдгийг хэлсэн. Тиймээс Эрүүл мэндийн яамнаас  наадам цуцлах эсвэл хойшлуулах санал хүргүүлсэн.  Маргааш Засгийн газрын ээлжит бус хуралдаанаар тус асуудлыг эцэслэн шийдвэрлэнэ” гэлээ.