Манай улсын 3.3 сая иргэнээс 582 нь коронавирусийн халдвараар нас барж, 120 мянга орчим иргэн тус халдвараар өвчилсөн. Энэ цаг үед иргэд коронавирусийн халдвар туссан эсэхээ мэдэх боломжтой, төрийн мэдээллийн “Eruul.gerege.mn” систем өнөөдрөөс хаагдлаа.

     Энэ талаар ЭМЯ-ны өнөөдрийн ээлжит хэвлэлийн хурлын үеэр "Еruul.gerege.mn систем ажиллахгүй болсон учир эдгэрсэн болон эмнэлэгт хэвтэн эмчлүүлж байгаа хүмүүсийн тоог мэдээлэх боломжгүй” хэмээсэн. Учир нь, сүүлийн гурван сарын турш тус системийн төлбөрийг төлөөгүй гэх үндэслэлээр уг сайт хаагдаж, иргэд “PCR” шинжилгээ өгөх боломжгүй боллоо. Хагас сая иргэнээ алдсан Ерөнхий сайд Л.Оюун-Эрдэнэ, Шадар сайд С.Амарсайхан, Эрүүл мэндийн сайд С.Энхболд нар аа “Цахим наадам” хийнэ хэмээн хөөрцөглөж суухын оронд иргэдийн коронавирусийн халдвартай эсэхээ мэдэх боломжтой сайтыг ажилд оруулж өгнө үү.

    Тусгаар улсын Засгийн газар цар тахлын гамшиг нүүрлэсэн энэ хүнд цагт ганц сайт хэвийн ажиллуулж чадахгүй байгаадаа ичих хэрэгтэй. Ийм нөхцөлд дөнгөж амаржсан эх, нярайг өвлийн тэсгим хүйтэнд халаад, углааштай ХӨСҮТ рүү тээвэрлэхэд У.Хүрэлсүхийн Засгийн газар танхимаараа огцорч байсан. Харин дээрх нөхцөл байдалд Л.Оюун-Эрдэнийн Засгийн газар ямар хариуцлага хүлээх вэ.