Улсын Онцгой комиссын ээлжит хурал өнөөдөр 20:00 цагт цахимаар хуралдахаар болжээ. Коронавирусний халдвар буурахгүй байгаатай холбоотойгоор 2021 оны зургаадугаар сарын 17-оос хоолны газрууд болон амралт жуулчны газруудын үйл ажиллагааг долоо хоногоор хязгаарласан.

Энэ шийдвэрийн үйлчлэх хугацаа маргааш дуусгавар болж буй бөгөөд сунгах эсэхийг уг хурлаар шийдэх юм байна. ААН-үүдэд тогтоосон хязгаарлалтын талаар Ерөнхий сайдын хэвлэлийн төлөөлөгч Ч.Болортуяа өнөөдөр мэдээлэл өгсөн. Ингэхдээ "Хоолны газрууд танхимаар үйлчлэх болон амралт, жуулчны баазын үйл ажиллагааг хязгаарласан байгааг дахин долоо хоногоор сунгах болов уу гэсэн мэдээлэл байгаа" гэсэн юм.