Коронавирусийн халдвар сүүлийн үед эрчимтэй нэмэгдэж байна. Тухайлбал, сүүлийн 24 цагийн хугацаанд 2642 иргэнээс халдвар илэрч, 11 иргэн нас барсан харамсалтай мэдээ бий. Иймд хувийн эмнэлгийн лабораториудад "Коронавирусийн шинжилгээ авах цаг хомс, оношлуур хүрэлцэхгүй хүлээлт үүсгэж  байгаа" тухай иргэд ярьж байна. Тиймээс PCR болон түргэвчилсэн шинжилгээг ямар үнээр авч байгаа талаар тодрууллаа. Тухайлбал,

 -“Мандала” эмэгтэйчүүдийн эмнэлэг зөвхөн түргэвчилсэн оношлуураар шинжилгээ авдаг. Ажлын цагаар 30 мянга, ажлын бус цагаар 40 мянган төгрөгөөр шинжилгээ авдаг байна.

 -“Мөнгөн гүүр” эмнэлэг PCR-ийн шинжилгээ 92 мянга, түргэвчилсэн оношлуурын шинжилгээг 35 мянгаар авдаг аж.

 -“Интермед” эмнэлэг PCR-ийн шинжилгээ 98 мянга, түргэвчилсэн оношлуурын шинжилгээг 33 мянгаар авдаг гэв.

 -“Гялс төв”  PCR-ийн шинжилгээ 98 мянга, түргэвчилсэн оношлуурын шинжилгээг  60 мянгаар авдаг байна. 

  -“SOS Medica” эмнэлэг PCR-ийн шинжилгээ 121 мянган төгрөг авдаг. Харин түргэвчилсэн оношлуураар шинжилгээ авахгүй байгаа гэнэ.