Сүхбаатар аймагт энэ оны дөрөвдүгээр сарын байдлаар бүртгэгдсэн нийт зөрчил  хэргийн 38.8 хувийг Гэр бүлийн хүчирхийлэлтэй тэмцэх тухай хууль зөрчих зөрчлийн хэрэг эзэлж байгаа аж. Тус аймгийн прокурорын газраа энэ төрлийн зөрчлөөс урьдчилан сэргийлэх чиглэлээр арга хэмжээг зохион байгуулж байна. Тухайлбал, хууль сурталчлах ажлыг эрчимжүүлэх зорилгоор Баруун-Урт сумын Засаг дарга болон Иргэдийн төлөөлөгчдийн хурлын дарга нарт прокурорын мэдэгдэл хүргүүлж, аймгийн Цагдаагийн газар болон Гэр бүл хүүхэд залуучуудын хөгжлийн газартай хамтран зөвлөгөө өгдөг тусгай дугаар ажиллуулж эхлүүлжээ.

Мөн гэр бүлийн хүчирхийллийг илрүүлэх, бусад байгууллагад холбон зуучлах хуудас гаргаж, сум багаар хамтран  ажиллуулж байна.