Орон нутаг руу зорчиж байгаа тээврийн хэрэгслийг лацдаж байгаа тухай мэдээлэл цахим сүлжээгээр тархсан. Зорчиж байгаа автомашины лац нь Сэлэнгэ аймгийн Баянгол сумтай холбогдож байгаа юм. Үүнтэй холбоотойгоор Сэлэнгэ аймгийн Онцгой комиссын Шуурхай штабаас тодруулахад

“Аймаг дотор сум дундын хөдөлгөөн оролцож байгаа автомашинуудыг дамжин өнгөрөх сумдуудад хөдөлгөөнд оролцуулахгүй байх үүднээс лацдаж байгаа. Хөдөлгөөнд оролцож байгаа автомашиныг лацдах үйлдлийг хийж эхлээд удаж байгаа” гэлээ.

Харин энэ талаар УОК-ын Шуурхай штабтай холбогдоход

“Орон нутаг руу хөдөлгөөн үйлдэж байгаа автомашинууд зорчих аймгийнхаа Онцгой комиссын зөвшөөрөл, PCR шинжилгээний хариутайгаа нэвтэрч байгаа. Дамжин өнгөрөхөд дамжин өнгөрч байгаа товчоодод автомашиныг лацдах тохиолдол байгаа байх. Харин одоогоор бол зөвхөн хүндэтгэн үзэх шалтгаантай хүмүүс аймгаас зөвшөөрлөө авч, PCR шинжилгээний хариутайгаа зорчиж байгаа учир улсын хэмжээнд хот хооронд зорчиж байгаа автомашиныг лацдах зүйл байхгүй. Одоогоор УОК-ын Шуурхай штабт автомашиныг лацдаж, зорчуулж байгаа гэх мэдээлэл ирээгүй” гэсэн юм.