Азийн залуучуудын III наадмын долоо дахь өдөр өчигдөр  жүдо бөхийн барилдаан  “Exhibition World Bahrain”  ордонд ширүүн өрсөлдөөн дунд үргэлжиллээ.  Жүдо бөхийн эмэгтэйчүүдийн 40 кг-ын  жинд өсвөрийн дэлхийн аваргын хүрэл медальт Б. Хулан Тажикистаны бөхийг вазари оноогоор ялж, хагас шигшээд Киргизстаны бөхийг вазари оноогоор ялснаар алтан медалийн төлөө Узбекистаны бөхтэй орон нутгийн Бахрейны цагаар 16:15 цагт барилдана.

    Жүдо бөхийн эрэгтэйчүүдийн 60 кг-ын  жинд Ж. Энхтөр Тайландын бөхийг цэвэр  ялж, Энэтхэгийн бөхөд  ялагдсан.  Улмаар Йемений бөхийг вазаригаар ялснаар, орон нутгийн цагаар 16:40 цагт хүрэл медалийн төлөө барилдана.

    Үүнээс гадна 48 кг-ын жинд Э. Тэмүгэн Тажикистаны бөхийг цэвэр ялж, Энэтхэгийн бөхөд цэвэр ялагдаж, Йорданы бөхийг цэвэр ялснаар хүрэл медалийн төлөө орон нутгийн цагаар 16:50 цагт барилдана.

    Харин 44 кг-ын  жинд Г. Цэлмүүн Непаль, Индонезийн бөхчүүдийг цэвэр ялсан. Хагас шигшээ барилдаанд Узбекистаны бөхөд хожигдсон. Хүрэл медалийн төлөө Казахстаны бөхтэй орон нутгийн цагаар 16:15 цагт барилдана.