Сурагчдын Ази тивийн аварга шалгаруулах шатрын тэмцээн үргэлжилж байна. Азийн  аваргад 16 орны 700 орчим тамирчин өрсөлдөж байгаа юм. Өнөөдөр “Улаанбаатар” зочид буудалд түргэвчилсэн төрлөөр долоон өрөг тоглон “RAPID”-ын аваргуудаа тодрууллаа. Сурагчдын Азийн аварга B7, B9, B11, B13, B15, B17, G7, G9, G11, G13, G15, G17 гэх үндсэн 12 ангиллаас авах боломжтой 36 медалиас Монгол Улсын өсвөрийн шатарчид 14-ийг нь хүртээд байна. Үүний таван медалийг “Стейниц Монголын шатрын академи”-ийн хүүхдүүд хүртжээ.

Медаль хүртсэн сурагчид:

Тус академийн захирал Г.Мөнхбаяр багшийн шавь

“G17”-ангилалд Энх-Амгалан овогтой ЭНХРИЙ 1-р байр.

“G13” ангилалд Батпэлдэн овогтой БУЯНХИШИГ 2-р байр.

Ахлах дасгалжуулагч Г.Энхбаяр багшийн шавь

”G11” ангилалд Ганчулуун овогтой ИВЭЭЛХҮСЛЭН 3-р байр.

“G9” ангилалд Чагдар овогтой ОЮУНСҮНДЭР 3-р байр.

Дасгалжуулагч Д.Цэдэнхорол багшийн шавь

“G7” ангилалд Дэлгэрсайхан овогтой СОД 3-р байр тус тус эзэлсэн байна.