Монгол Улсын шатрын 25 дахь аварга, Дэлхийн шатрын холбооны мастер Б.Баярмандахын нэрэмжит “Увс 2022” шатрын нээлттэй тэмцээн эхэллээ. "Увс 2022" шатрын нээлттэй тэмцээнийг Увс аймгийн ЗДТГ, Биеийн тамир спортын газар, Монголын шатрын холбоо, Увс аймгийн шатрын холбоо хамтран зохион байгуулж байна. Тэмцээн энэ сарын 17-ны өдөр эхэлсэн бөгөөд эхний гурван өргийн тоглолтууд амжилттай явагджээ.

  Тэмцээний нээлтийн үйл ажиллагааны үеэр Увс аймгийн ИТХ-ын дарга Ц.Батболд 2022 оны Монгол Улсын аварга, их мастер Д.Батсүрэн, шинэхэн их мастер Т.Мөнхзул, ОУМ С.Ган-эрдэнэ, ЭОУМ Б.Баярмаа, ФМ Э.Энхнар, ФМ Чингүүн, спортын мастерр Г.Баярмаа,  Т.Оюунчимэг,  Ц.Энхбат болон нэрэмжит тэмцээнээ зохион байгуулж буй ФМ Б.Баярмандах нарт  Увс аймгийн ИТХ-аас олгодог  “Ю.Цэдэнбалын нэрэмжит шагнал”-ыг гардуулжээ.

  Тус тэмцээний ерөнхий ивээн тэтгэгчээр УИХ-ын гишүүн О.Цогтгэрэл, “Амарсанаа ХХК”, “Ундарга констракшн”, “Baby shop” дэлгүүрийн хамт олон ажиллаж байгаа юм. Энэ удаагийн тэмцээнийг дэмжиж  Увс аймгийн ИТХ-ын төлөөлөгч С.Пүрэвсүрэн 500.000 төгрөг хандивласан байна. Өндөр шагналын сан бүхий тус тэмцээнд 128 шатарчин уулгүй талд цусгүй тулалдаж байгаагаас нийт 27 олон улсын болон дотоодын цолтой шатарчид оролцож байгаа аж.  Тэмцээний ерөнхий шүүгчээр Монголын шатрын холбооны ерөнхий менежер, дэлхийн шатрын холбооны шүүгч М.Гүнбаяр ажиллаж байна.