Нур-Султан-2022 жүдо бөхийн Ази тивийн аварга шалгаруулах тэмцээний холимог багийн тэмцээн өчигдөр явагдлаа. Монгол Улсын баг хагас шигшээ барилдаанд Хятадын багтай үндсэн цагт 3:3-аар тэнцэж, нэмэлт барилдааны сугалаа татжээ. Тус барилдаанд О.Цэцэнцэнгэл ялж, 4:3-ын харьцаагаар Хятадын багийн буулган авсан байна.

          Шигшээ барилдаанд аваргын төлөө Японы хүчирхэг багтай таарч 4:3-аар хожигдон мөнгөн медаль хүртжээ. Холимог багийн төрөлд Япон алт, Монгол мөнгө, Казахстан, Хятад хүрэл медаль хүртсэн байна.

          Энэ удаагийн Ази тивийн аварга шалгаруулах тэмцээн дөрвөн өдрийн турш явагдаж өндөрлөлөө. Монгол Улсын жүдочид жин тус бүрийн хувийн төрөлд хоёр алт, таван хүрэл медаль хүртэж 17 орноос хоёрдугаар байрт оржээ.