Америкийн үндэсний сагсан бөмбөгийн холбооны шигшээ тоглолтууд үргэлжилж байна.

Өрнөд бүсийн хоёр дахь шатанд учраа таарсан “Финикс Санс”, “Даллас Маверикс”-ын цувралын шийдвэрлэх долоо дахь тоглолт өнөөдөр боллоо. Цувралын долоо дахь тоглолтод “Даллас Маверикс” баг 123-90 онооны харьцаатайгаар ялалт байгуулж, цувралд 4:3 харьцаатай тэргүүлж, бүсийн аваргын төлөө тоглохоор болов.

                 Тоглолтод “Даллас Маверикс” багийн лидер Лука Дончич 35 оноо авч, 10 самбараас бөмбөг авалт хийсэн бол, түүний багийн хамтрагч Спенсер Динвидди 30 оноо авч, шилдэг тоглолт үзүүлжээ. Харин эсрэг талаас “Финикс Санс” багийн гарааны гурван тоглогч 10-аас дээш оноо авч, бусад тоглогч түүнээс бага оноо авч, муу тоглолт үзүүлсэн байна.