Ардчилсан намаас цаг үеийн асуудлаар мэдээлэл хийлээ. Ардчилсан намын дарга М.Тулгат "Өнөөдрийн хурлаар УИХ дахь Ардчилсан намын бүлэгтэй хамтарч ажиллах талаар, Удахгүй болох Ерөнхийлөгчийн сонгуультай холбоотойгоор бэлтгэл хангах ажлын хэсэг байгуулсан, мөн нийгэмд анхаарал татаж буй ажлын байрны бэлгийн дарамтын талаар байр сууриа илэрхийлнэ.

Ерөнхийлөгчийн сонгууль болох гэж буйтай холбоотой Ажлын хэсэг байгуулж, бэлтгэл ажлыг хангуулахаар ажиллаж байгаа. Иргэдийн нээлттэй оролцох боломжтой шүү. Хоёрдугаарт тахлын үеийн үр дүнгүй хөл хорио, вакцины тасалдлаас болоод иргэд маш их гомдол ирүүлж байгаа. Ерөнхий сайд дөрөв, тавдугаар сарыг хүн амаа вакцинжуулалтад хамруулах аян болгон  зарласан ч зогсоолоо.  Өнгөрсөн жил дотооддоо халдвар алдаагүй байхад бизнесээ зогсоогоод сургууль, цэцэрлэгээ хаагаад хүүхдүүдээ боловсролын хоцрогдолд оруулсан. Үндсэндээ “Ковид-19”-өөр улс төр хийж байна. Цаашид энэ талаар УИХ дахь бүлэгтэйгээ хамтарч ажиллана.

Гуравдугаарт, нэр бүхий УИХ-ын гишүүн ажлын байрны бэлгийн дарамттай холбоотой асуудалд нэр холбогдоод байна. Хэдий хуулийн байгууллага үүнийг эцэслэн тогтоох ч хүн бүр хуулийн өмнө тэгш байх ёстой. Үнэн зөвийг тогтоох шаардлагатай. Цаашлаад энэ талаар Ардчилсан нам УИХ дахь бүлэг, Төрийн бус байгууллагуудтай хамтран ажиллана” гэлээ.