УИХ-ын гишүүн С.Ганбаатар цаг үеийн асуудлаар мэдээлэл хийлээ. Тэрбээр "УИХ-ын дарга өнөөдөр хүний эрхийн талаар их ярилаа. Хүний эрхийг хамгийн их зөрчиж байгаа нь УИХ-д байгаа хүмүүс.Англи Улсын Дээд шүүхийн шүүгч Марк Пеллинг шүүхийн шийдвэр, дүгнэлт, баримт бичиг гаргажээ.

Үүнд 227 хэрэг бүртгэгдсэн байна. Энэ шийдвэрт Монголын ард түмний өөрийнх баялгийг Ерөнхий сайд нь  өөрийн гараар бусад орны дээрэмчидтэй хуйвалдан, хулгай хийсэн дүгнэлт гарсан. Энэ гүтгэлэг биш. Хэн нэгний захиалга биш. Ийм мэдээлэл дэлхий даяар гарчихаад байхад хэн ч дуугарахгүй байна. Үүний хамгийн гол хулгай ч нь Сү.Батболд.  Энэ бүхнийг хараад таг дуугүй сууж байгаа УИХ, монголын ард түмэн түүхэнд шившигтэй үлдэнэ.

Гол нь Сү.Батболд ЗГХЭГ, "Оюутолгой", "Уулын баяжуулах Эрдэнэт үйлдвэр" Төрийн өмчит газруудтай харилцаж, өөрт давуу байдалтай тайлбар бичгүүдийг гаргасан байна гэж бичсэн байна лээ. Сү.Батболд баялгийн хулгай хийчихээд эдгээр газруудад дарамт үзүүлж, уучлалт гуйлгасан байна. Дээр нь шүүхийн байгууллагад нөлөөлөх гэж байгаа юм. Тиймээс УИХ-ын дарга Г.Занданшатарт Сү.Батболдыг Халдашгүй байдлын дэд хорооны гишүүнээс нь гаргах шаардлагатай байна Хоёрдугаарт, түүнтэй холбоотой гэмт хэргийг УИХ-аар хэлэлцүүлж ярилцах хэрэгтэй" гэлээ.