Засгийн газраас 10 их наядын цогц төлөвлөгөөг хэрэгжүүлэх талаар мэдээлэл хийж байна.  Сангийн сайд Б.Жавхлан "Төсөв бол эдийн засгийн идэвхжилтэй шууд хамааралтай. Эдийн засаг дахь зээлийн идэвхжил байхгүй бол төсөв эрсдэлд орж эхэлдэг. Тэгэхээр эдийн засгаа эргэлтэд оруулах хэрэгтэй байгаа юм. Бид  4.1 их наяд төгрөгийн ачаалал төсөвт авч цар тахлын хүндрэлийг даван туулж байна. Хүүхдийн мөнгө, НДШ-ын төлбөр, ус, цахилгааны хөнгөлөлтүүд үүнд орж байгаа юм. Цаашид бид нэмж төсөвт ачаалал авах боломжгүй болсон. Энэ удаагийн төлөвлөгөө нь төсөвт 20 дахин бага ачаалал авч, 2-3 их наядын эдийн засгийн идэвхжүүлэлт хийх гэж байгаа. Үүнд огцом нийлүүлэх  мөнгөний нийлүүлт, инфляцаа хэт өсгөхгүй гэсэн үг.

Түүнчлэн зээлийн нөхцөл дээр үл ойлголцол бий. Төрөөс ганцхан НӨАТ төлөгч байхыг шаардаж байгаа. Өмнө нь төрөөс гаргасан зээлийг дахин санхүүжүүлж, гурван хувийн зээл рүү шилжүүлэх боломжийг олгож байгаа. Зээл олголттой холбоотой бодлогын өөрчлөлт нь хяналт, шалгалтын асуудал. Арилжааны банкаар дамжиж байгаа нь маш том хяналт болно гэсэн үг. Зээл авснаасаа хойш зориулалтын  бусаар ашиглавал гурван хувийн хүүгээсээ арилжааны банкны буюу үндсэн зээл рүү шилжинэ. Цаашлаад зээлийн батлан даалтаас гаргах баталгааг нь нөхөж олгохгүй. Банкууд гүйцэтгэл дээрээ хяналт тавина" гэсэн юм.