Манай улс Энэтхэг Улсаас хандивласан ДЭМБ-ын зөвшөөрөл бүхий АстраЗненека вакцинаар иргэдээ дархлаажуулж эхэлсэн. Тодруулбал, 150 мянган тун вакцины тус улсаас хандивлаж, 75 мянган хүнийг вакцинжуулах боломжтой байгаа.

Түүнчлэн ОХУ-аас Спутник-V, БНХАУ-аас Синофарм үйлдвэрийн вакцин ирсэн ч ДЭМБ-аас зөвшөөрөл олгоогүй. Энэ талаар Шадар сайд С.Амарсайхан "ОХУ, БНХАУ-ын  вакцин манайд ирсэн. Хятадын вакциныг ДЭМБ энэ сарын дундуур албан ёсоор бүртгэж, зөвшөөрнө гэсэн мэдээлэл байгаа. Харин ОХУ-ын вакциныг баталгаажуулах ажил үргэлжилж байгаа юм билээ. 

ДЭМБ-аас баталгаажуулаагүй вакциныг манайд яагаад оруулж ирсэн бэ гэх асуулт бий. Нэгдүгээрт, цаг хувьд ингэж таарсан. Хоёрдугаарт, дархлаажуулалтын хатуу нөхцөлтэй улс орнууд хэрэглэж эхэлсэн, олон улсад зөвшөөрөгдсөн тохиолдолд дээрх вакциныг Монгол Улс хэрэглэж болно гэдэг хуулийн заалттай. Тиймээс үүнийг үндэслэн дээрх вакцинуудыг хүлээж авсан" гэлээ.