Засгийн Газрын Хэрэг эрхлэх газрын дарга С.Бямбацогт "Тэрбээр "Тус хуулийн төсөлд 3асгийн газрын гишүүн-Монгол Улсын сайд, Хяналт, үнэлгээний Үндэсний хорооны дарга, 3асгийн газрын гишүүн-Монгол Улсын сайд, Боомтын сэргэлтийн Үндэсний хорооны дарга, Монгол Улсын 3асгийн газрын гишүүн-Монгол Улсын сайд, 20 минутын хот Үндэсний хорооны даргатай холбоотой хэсгийг хүчингүй болгохоор тусгасан.Гурван үндэсний хороодыг өөрчилж, үнднсий 58 хороог хоёр дахин бууруулна. Яамдын бүтцийн нэгжүүдийг 31 хувиар бууруулна. Өөрөөр хэлбэл дарга нарын тоог цөөлөх юм.  Яамдад 138 газар байсныг 109, хэлтсийн тоо 132 байсныг 77 болгож цөөлөхөөр баталлаа. Харин яамдын дарга 270 байсныг 186 болгож буурууллаа. Тэгхээр нэг яам дээд талдаа 14 даргатай, цөөн нь 10 даргатай байхаар бүтцийн өөрчлөлт хийж байна. Өмнө нь хамгийн олон газар, хэлтсийн даргатай байсан ЭЗХЯ-наас 28 даргатай байсан бол 18 боллоо. 

       Хоёрдугаарт газар өмчлөхтэй холбоотой асуудлыг шийдвэрлэлээ. Гэвч үүнийг дагаад газрын харилцааг зохицуулахдаа сум, хороонд иргэдийн өмчлөх газрыг ЗГ-д Ерөнхий сайдын түвшинд шийддэг. Аж ахуй нэгж байгууллагын эзэмших газруудыг заавал ерөнхий сайдын түвшинд шийддэг хүндрэл, нугалаа гарсан бол үүнийг аймгийн засаг дарга, хотын дарга нь шийддэг байх уян хатан зохицуулалтыг хийнэ. Газрын нэгдмэл сангийн төлөвлөлт зохион байгуулалт, удирдлагын асуудал засгийн газрын түвшинд, газар олгох асуудлыг хурдан шуурхай зохицуулалтыг хийхээр болсон. 

       Дараагийн нэг асуудал бол эрчим хүчний компаниудыг нэгтгэх асуудлыг эхлүүлсэн. Бидний энэ засгийн газрын баримтлах асуудлуудын нэг бол төрийн албыг цомхон, чадварлаг бүтэцтэйгээр илүү үр дүнтэй ажиллах зохион байгуулалттай хийнэ. Үүнээс гадна төрийн өмчит компаниудыг энэ зохион байгуулалтад оруулна. Төрийн бүсийн дамжуулах сүлжээнд баруун бүсийн эрчим хүчний сүлжээ буюу Баян-Өлгий, Увс, Ховд аймгийн эрчим хүчний сүлжээг нэгтгэх мөн Алтай-Улиастайн эрчим хүчний компанийг төвийн бүсийн эрчим хүчний компанитай нэгтгэж гурван компаниас нэг компани болгож давхардсан чиг үүрэг, орон тоог бууруулах асуудлын шийдэхээр боллоо. Цаашдаа ч мөн төрийн өмчит компаниудын давхардал, үр ашиггүй байдлыг нэгтгэж илүү цомхон үр ашигтай болгох тал дээр үргэлжилсэн бодлогуудыг хэрэгжүүлнэ" гэлээ.