Боловсролын үнэлгээний төвөөс элсэлтийн ерөнхий шалгалтын талаар мэдээлэл хийлээ. БҮТ-ийн дарга Г.Гантуяа "Шалгалтанд 43 мянган шалгуулагч дөрвөн өдөр шалгалт өглөө. Улаанбаатар хотод 21 мянга нь шалгалт өгсөн. Элсэлтийн шалгалтыг 3000 орчим багш зохион байгуулалтад ажилласан. Элсэлтийн шалгалтыг 2006 оноос хойш явж байгаа жишгээр явуулсан. Элсэлтийн шалгалтын материалыг боловсруулж байгаа багш нарыг тагнуул цагдаагийн бүрэн хяналтад цахим орчноос тусгаарлаж материалыг бэлдүүлдэг. Тэгэхээр шалгалтын материал задрах боломжгүй. Орон даяар элсэлтийн шалгалтыг 50 шалгалтын төв гаргасан. Элсэлтийн шалгалтын дүн оноог олон улсын жишигт дүйцүүлэхэд 3661 хүүхэд нь дүн оноогоо дүйцүүлсэн.

2025 онд 10 хичээлээр шалгалт өгөхөд түүхийн хичээлийн дундаж оноо нэмэгдсэн. Тодруулбал,

Түүхийн хичээл 2025 онд 43.6 өссөн буюу 2024 онд 41.2 оноо

Англи хэл 2025 онд 35.3 оноо, 2024 онд 35.7

Хими 2025 онд 32.9 оноо, 2024 онд 25.3

Газар зүй 2025 онд 56.7 оноо 2024 онд 44 

Нийгэм судлал 2025 онд 36.1, 2024 онд 43

Биологи 2025 онд 34 оноо, 2024 онд 46 

Физик 2025 онд 35.6 оноо, 2024 онд 34.6

Орос хэл 2025 онд 64.4 оноо, өмнөх онд 60 

Математик 2025 онд 20 оноо, 2024 онд 25 гэсэн дундаж оноотой байна. Нийт 10 хичээл дээр 171 сурагч 800 оноо авсан байна" гэлээ.