Ч.Хүрэлбаатараас сэтгүүлчид цаг үеийн асуудлаар байр суурийг нь тодрууллаа.

    Тэрбээр "Хэн нэгэн хүний нэрийг ярихаас өмнө шинэ Засгийн газрын өмнө ямар асуудал тулгамдаж байгаа вэ, ямар асуудал шийдэх ёстой вэ гэдгийг Удирдах зөвлөлийн хурлаар ярих болов уу. Эдийн засгийн байдал хүнд, экспортын орлого унасан байна, төсвийн орлого бүрдэхгүй байна. Шаардлагатай байгаа улсын хөгжлийн төлөвлөгөөнд тулсан ажлууд,төсөв дээр суусан хөрөнгө оруулалтын ажлыг санхүүжүүлэх боломжгүй болчихсон байж байна. Мөн валютын нөөц багасаж байна. Энэ бүхнийг хэрхэн шийдэх вэ. Хамгийн гол нь эдийн засгийг авч явж байдаг хувийн хэвшлээ яах вэ, нийгэмд бий болоод байгаа шударга бус байдлыг хэрхэн шийдэх вэ гэхчлэн олон асуудал байна. Эдгээрийг яаж шийдэх вэ гэх асуудлаас хүнээ ярих болов уу гэж бодож байна. Миний хувьд улс төрийн идэвхгүй байдалтай байж байгаад ирж байна. Би дараагийн Засагт орж ажиллахгүй. Яагаад гэвэл, Засгийн газар одоо УИХ дотроосоо явах нь зөв байх. Намынхаа эв нэгдлийг хангаад явах, тодорхой бус байгаа олон улсын нөхцөл байдал дунд ажиллах хүнээ тал талаас нь бодож байгаад гаргаж ирэх байх" гэв.