Засгийн газрын ээлжит хуралдаанаар ТЭЦ-3” дулааны цахилгаан станцад гарсан ослын шалтгааны талаар мэдээлэл сонсож байна. Энэ үеэр "Эрчис Монгол" ХХК-ийн Гүйцэтгэх захирал Г.Амартүвшин мэдээлэл өглөө.

      Тэрбээр “Галын дүгнэлт гарсны дараа мэдээлэл өгөх боломжтой байна. Мэргэжлийн байгууллагуудын дүгнэлт гараагүй байна. Нэг хүний амь эрсдсэн. Би ТЭЦ-3” станцын гүйцэтгэх захиралтай уулзаж ярилцсан. Ажилтнуудын утсыг хурааж авсан асуудал байхгүй гэсэн. Хамтарсан ажлын хэсэг гараад үр дүнг нь тодорхой ярилцна Эрчим хүчний яам, “Эрчис Монгол” ХХК болон холбогдох газруудын хамтарсан ажлын хэсэг гаргаад ямар засвар хийх вэ гэдэг үр дүнг ярина. Өнөөдрийн Засгийн газрын хуралдаанаар Эрчим хүчний болон “Эрчим Монгол” ХХК-ийн эрх үүрэг яаж хуваагдах вэ гэдэг асуудал ярьсан. Засгийн газраас 137 дугаар тогтоол гарсан. Энд Эрчим хүчний салбарын 27 компанийн 66 хувь нь “Эрчис Монгол” ХХК-д шилжинэ гэж заасан. Хуулийн дагуу одоо хүчин төгөлдөр байгаа ТУЗ-үүд дүрэмдээ өөрчлөлт оруулах ёстой. Үүний дагуу Засгийн газар баталж, үүний дагуу “Эрчис Монгол” 66 хувиа эзэмшдэг болно. Энэ процесс дуусаагүй байна. Намайг танилцуулга хий гээд Засгийн газарт танилцууллаа. Би хариуцлагаас зугтаад байгаа зүйлгүй.

      Эрчим хүчний салбар 3.5 их наяд төгрөгийн орлоготой хэрнээ 75 тэрбум төгрөгийн ашигтай ажиллана гэж байхгүй. Цаашид энэ салбарын хөрөнгө оруулалт, үйл ажиллагааг сайжруулж, ашигтай байлгах гэж “Эрчис Монгол” ХХК-ийг байгуулсан. Эрчим хүчний үнийг 2024 онд нэмсэн. Цахилгааны үнэ нэмэгдснээр цахилгаан станцууд ашигтай гарлаа. Харин 2025 оны тавдугаар сараас дулааны үнийг нэмэх байтал нэгдүгээр сар хүртэл хойшилсон. Тиймээс дулааны станцууд хүндэрнэ. 2025 онд нэлээд алдагдалтай гарсан. Цаашид хөрөнгө оруулалт, урсгал зардлуудын асуудлыг шийднэ. Энэ нэг өдрийн дотор шийднэ гэж байхгүй. Эрчим хүчний салбарт өөрчлөлт хийхийн тулд 27 компанийн удирдлагуудтай уулзсан. Урьдчилсан байдлаар 2.5-3 их наядын хөрөнгө шаардлагатай гэж байна” гэлээ.