Төрийн байгуулалтын байнгын хорооны хуралдаанаар Ерөнхий сайдад Итгэл үзүүлэх тогтоолын төслиййг хэлэлцүүлж байна. Хэлэлцэж байгаа асуудалтай холбоотйй гишүүд асуулт асууж хариулт авч байна. 

УИХ-ЫН ГИШҮҮН Ж.БАЯРМАА: Албан бичигт ямар хуулийн зүйл заалтыг үндэслэж байгааг би харахгүй байна. Доторх агуулгаараа Үндсэн хуулийн 44.1 дэхь заалтыг үндэслэж байгаа гэж ойлгосон. Энэ заалтад Улсын төсвийн болон бодлогын тодорхой асуудлаар Итгэл хүлээлгэнэ гэж байгаа. Төсвийн асуудал байхгүй байна. Бодлогын дэмжлэгийн хэрэгжүүлэхэд ямар дэмжлэг дутаад байгаа юм бэ. Хоёрдугаарт, Баялагийн хуулиа баталсан уу. Нөгөө Ухаа худгаа авна гэсэн асуудал юу болсон бэ, яагаад гацаад байгаа юм. Гуравдугаарт, Хөрөнгө хураах хуулиа асуудал дэгдсэн. Гэтэл яагаад ийм асуудлаа оруулаагүй байж гацаасан гэж яриад байгаа юм. Сүүлдээ асуудлыг нь шүүмжилсэн гишүүн болгонд наагаад байдаг боллоо. Хамгийн сүүлд Итгэл хүлээлгэх асуудал ярьж байна. Би бол Итгэл хүлээлгэхгүй. УИХ Итгэл хүлээлгэчихвэл та үргэлжлүүлээд ажлаа хийх үү.

ЕРӨНХИЙ САЙД Л.ОЮУН-ЭРДЭНЭ: Огцрох амархан. Надад албан тушаалтай зууралдаад байгаа юм алга. Огцорсны дараах үр дагавар олон сорилттой нүүр тулна. Асуудалтай нүүр тулаад байнга огцроод байдаг болчихвол гүйцэтгэх засаглал, цаашлаад парламентын засаглал дээр эрсдэл үүсэхээр байна. Түүнээс биш намайг албан тушаалтай зууралддаг, Ерөнхий сайдын суудалд дуртай хүн гэж хэлж болохгүй. Үндэсний баялагийн сантай холбоотой 34 хувьтай хэлэлцээрүүд хийгдэж байгаа. Эхний Ухаа худагтай холбоотой асуудал Их хуралд өргөн баригдсан. Хоёр удаа буцаагдсан. П.Мөнхтулга гишүүн ахлаад явж байгаа гэж ойлгосон. Орлогоо нотолж чадахгүй бол хөрөнгө хураах талаар О.Алтангэрэл сайд ажиллаж байгаа. Нэгдүгээр сарын 24-нд Засгийн газарт өргөн мэдүүлсэн.  Үүнийг хийгээд явах нь зүйтэй. Гашуунсухайт Ганцмодны боомтын бүтээн байгуулалтын үеэр асуудал гарлаа. Цаашдаа Монгол Улс, парламент гадна, дотны олон цохилтуудтай нүүр тулна. Асуудал үүсэх болгонд төр донслоод байвал төрийн дархлаа суларна. Тиймээс ярилцах нь зүйтэй гэж үзээд байгаа юм.