Ардчилсан намын дарга Л.Гантөмөр мэдээлэл өглөө. Тэрбээр “Ерөнхий сайдын тухай элдэв юм ярих нь жудаггүй асуудал болно. Би Ерөнхий сайдтай хамт яваад Монгол Улсын эрх ашиг нэгдүгээрт гээд Баялагийн сан бий болгохыг зориод, 14 мега төсөл хөдөлгөхийг өнөөдрийг хүртэл хамт зүтгэчихээд Ерөнхий сайдыг янз бүрээр ярих нь зохимжгүй. Би бүхнийг надаас тийм жудаггүй байдлыг битгий шаардаасай гэж хүсэж байна. Бид өнөөдөр өргөдлөө өгнө. Итгэл үзүүлэх эсэх нь УИХ-ын бүрэн эрхийн асуудал. Гишүүн бүр саналаа өгнө гэсэн үг. Ардчилсан намын бүлэг одоогийн байдлаар ямар дүгнэлт гаргах вэ гэдгээ эцэслэн шийдээгүй байна. Бид Баялагийн сангийн эсрэг биш гэдгээ илэрхийлсэн. Хоёрдугаарт, мега төсөл байгаа юм. Хамтарсан Засгийн газрын хувьд эв эеийг сахихаас өөр аргагүй.  Одоогоор найман сайд өргөдлөө өгсөн. МАН-тай хамтарч ажиллах боломжгүй гэдгийг хэлмээр байна. Бид нэгдсэн шийдвэрт хүрэхийн төлөө хичээж байна” гэв.