УИХ-ын 100 гишүүн чуулганы хуралдаанд бүртгүүлж, 79.4 хувийн ирцтэйгээр УИХ-ын чуулганы ээлжит бус хуралдаан эхэллээ. Хуралдаанаар Хот, тосгоны эрх зүйн байдлын тухай хууль, Сонгуулийн ерөнхий хорооны гишүүнийг чөлөөлөх тухай асуудал, Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл, Баталсан хууль, тогтоолын эцсийн найруулгыг сонслоо.

    Тэгвэл яг одоо Монгол Улсын хөгжлийн 2026 оны төлөвлөгөө батлах тухай тогтоолын төслийг хэлэлцүүлж байна. Энэ үеэр УИХ-ын дарга Д.Амарбаясгалан "126 гишүүнтэй парламент анх удаа улсын хөгжлийн төлөвлөгөөг өргөн хүрээгээр хэлэлцсэн үйл явдал болох гэж байна. Байнгын хорооноос гарсан 140 зарчмын зөрүүтэй саналтайгаар асуудал орж ирж байна. Тиймээс өнөөдрийн чуулганы хуралдаан өндөр ачаалалтай, олон санал хураалттай явагдана. Тиймээс гишүүд тогтвор суурьшилтай сууж, хэлэлцэх асуудалд идэвхтэй оролцохыг сануулж байна" гэлээ.