Засгийн газрын хуралдаанаас гаргасан шийдвэр талаар мэдээлэл хийж байна. ЗГХЭГ-ын Н.Учрал дарга "Өнөөдрийн хуралдаанаар Ураны хайгуул олборлолтын үйл ажиллагаанд иргэдийн хяналт оролцоог хангах зарим арга хэмжээний тухай тогтоол баталлаа. Ашигт малтмал, уран болон бусад төрлийн нөөцийг илрүүлэх хайх, олборлоход иргэдийн мэдэх эрхийг хангах, олон нийтийн хараат бус байнгын хараа хяналтыг нэмэгдүүлэх, хариуцлагатай уул уурхайг хөгжүүлэх, уул уурхайгаас олж байгаа ашгийг орон нутаг болон Үндэсний баялгийн сан, хуримтлалын санд төвлөрүүлэхээрх болсон. Мөн цацраг идэвхт бодисын нөлөөллийг хэмжих олон улсын лабораторийг орон нутагт байгуулах иж бүрэн багц шийдвэр гаргалаа. Байгаль орчин, агаар ус, хөрсний бохирдлын чиглэлээр санаа зовж байгаа иргэд, иргэний нийгмийн байгууллага байгаа. 

Өнгөрсөн хугацаанд зургаан сайдаар ахлуулсан 122 хүний бүрэлдэхүүнтэй ажлын хэсэг, Хөрөнгө оруулалтын гэрээн дээр ажилласан зургаан ажлын хэсгийн ахлагч, УИХ-ын дэд дарга Б.Пүрэвдорж болон УИХ-ын  гишүүдэд иргэд, иргэний нийгмийн байгууллагууд бидэнд шаардлага хүргүүлсэн. Энэ шаардлагыг анхаарч, Засгийн газрын тогтоол баталж байна. Орд ашиглах хувь эзэмшигчийн гэрээ цаашид хийгдэх ёстой. Орд ашиглах тал дээр байгал орчны асуудал өндөр төвшинд ажиллаж, хяналтаа тавих ёстой. Хувь нийлүүлэгчиййн гэрээнд харилцан эрх үүргийг тодотгоно гэдэг утгаараа өнөөдрийн тогтоол дээр иргэдийн саналыг тусгасан" гэлээ.