Монгол Улсын Ерөнхийлөгч Халтмаагийн Баттулга өнөөдөр 17:00 цагаас Үндэсний аюулгүй байдлын зөвлөлийг шуурхай хуралдуулахаар боллоо. Өнөөдөр Ерөнхий сайд У.Хүрэлсүхийн Засгийн газар бүрэн бүрэлдэхүүнээрээ огцорч байгаагаа мэдэгдсэн юм.

Улмаар уг асуудлыг Төрийн байгуулалтын байнгын хорооны хуралдаанаар хэлэлцэж, гишүүдийн олонх дэмжсэн. УИХ-ын чуулганы хуралдаанаар дээрх асуудлыг эцэслэнэ.Ерөнхий сайд У.Хүрэлсүх мэдээлэл хийх үеэр "Миний итгэж найдаж, хамтарч ажилласан Монгол Улсын Ерөнхийлөгч Х.Баттулга ард түмнийг үймээн самуунд турхирч, санхүүжилт хийж, ард түмнийг тайвнаар үзэл бодлоо илэрхийлж байсан  жагсаалыг улс төржүүлсэн. Миний итгэл, найдвар алдарч байна" гэж мэдэгдсэн юм.