УИХ-ын чуулганы хуралдаан үргэлжилж байна. Хуралдаанаар Шүүхийн тухай хуулийн төсөлд Байнгын хорооноос дэмжсэн зарчмын зөрүүтэй санал тус бүрээр санал хураалт явуулж байна. Зарчмыг зөрүүтэй саналтай холбоотой гишүүд үг хэлж байна. Тухайлбал, шүүгчийн тэтгэврийг тогтоохтой холбоотой хуулийн төслийн 40.5-т Бүрэн эрх нь түтгэлзсэн шүүгчид цалин хөлсийг 80 хувиар тооцож олгоно гэсэн заалт оруулсан байна. Энэ талаар гишүүд байр сууриа илэрхийллээ. 

УИХ-ЫН ГИШҮҮН С.ЧИНЗОРИГ "Өмнөх хуулиасаа дордуулсан заалт орсон байна. Ажил олгогч тэтгэврийн нас болсон гэдгээр ажлаас нь чөлөөлж болохгүй. Тэтгэвэр, тэтгэмжтэй холбоотой асуудлыг салбар салбарын хуулинд оруулж зохицуулдгийг больмоор байгаа юм. Суурь харилцааг зохицуулдаг хуулиар нь  явуулах хэрэгтэй. Шүүгчээр 25 жил ажилласан бол өөрийн хүсэлтээр өндөр настны тэтгэвэр тогтоолгож болно гэж байгаа юм. Цагдаа, цэргийн алба хаагчидтай барьцдаг байж болохгүй" гэсэн бол 

УИХ-ЫН ГИШҮҮН Б.ДЭЛГЭРСАЙХАН "Шүүгчийн тэтгэврийн насыг 65 нас гэдгээр нь тогтоох хэрэгтэй. Нас нь ахих тусам хор нь гарчихсан байгаа. Үүнийг эргэж харах хэрэгтэй" гэв.