Шүүхийн тухай хуулийг хэлэлцэж байна. Шүүхийн ерөнхий зөвлөл болон шүүхийн сахилгын хороо нь хаана харьяалагдах вэ гэдэг асуудал анхаарал татаж байгааг Шүүхийн тухай хуулийн ажлын хэсгийн ахлагч УИХ-ын гишүүн Б.Энхбаяр онцлолоо. Тэрбээр "Үндсэн хуулийн хоёр институцийн шүүгч биш таван гишүүнийг УИХ-ын нээлттэй сонсголын журмаар томилно. Энийг нэлээд процессжуулсан. Ерөнхий зөвлөлийн гишүүн нэр дэвших сонгох журмыг нь Хууль зүйн байнгын хороо гаргахгүй байхаар зохицуулж байгаа. Цаашид сахилгын хорооны гишүүдийг ард түмнээр сонгуулна гэсэн үг. Үүнийг нь УИХ-аар хэлэлцүүлдэг байх юм.

Хууль зүйн байнгын хороон дээр хамгийн их цаг барж, үзэлцсэн асуудал нь сахилгын хорооны асуудал. Дээд шүүхээс лобби орж, Үндсэн хуулийн амин сүнсийг унагаах гэж үзсэн. Сахилгын хорооны шийдвэрүүдийг өөрсдөө хянан гэсэн. Дээд шүүхийнхэн сахилгын хороог өөрсдийн доорх байгууллага болгох гээд байгаа юм. Өнгөрсөн хугацаанд дээд шүүхийн нэг шүүгчид хариуцлага тооцож байгаагүй юм билээ. Сахилгын хороо байх ёстой" гэв.

Харин Улсын дээд шүүхийн шүүгч Ц.Цогт "Сахилгын хорооны хэргийг дээд шүүхээр хянадаг байх нь шүүгч нар өөрсдийгөө хамгаалах тухай ойлголт биш" гэх тайлбарыг өгөв.