Хууль зүйн байнгын хорооны хуралдаан үргэлжилж байна. Байнгын хорооны хуралдаанаар  Монгол Улсын шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийж байна. Хуулийн төслийн зүйл заалт бүрт санал явуулж, гишүүд асуулт асууж байгаа юм.

УИХ-ын гишүүн Н.Алтанхуяг "Надад ганцхан хүсэл сонирхол бий. Тэр бол Монгол Улс жаахан шударга болмоор байна. Ялангуяа шүүх. Дээд шүүх дээр яагаад ийм харшил үүсчихсэн гэхээр надад ч хар байгаа. Та нар найман жил Дээд шүүхийг дампууруулсан. Дандаа захиалгаар хэрэг шийдсэн. Явсаар байгаад шүүгч нар нь өөрсдөө хахуульд ороод дууслаа. Улс дууслаа. Тиймээс үүн дээр нэг нэгийгээ буруутгаад байх юм байхгүй. Хүн ярих юм уу, хууль ярих юм уу. 24-ийг бүр бага болгох санал гаргаж үзсэн. Тэгэхээр болдоггүй юм байна лээ. Ядаж 24-өөс нэмэхгүй байхаар ойлголцсон. Асуудал тоондоо биш механизмдаа байна. Хэдий болтол бид өөрсдийн дараачийн эрх ашиг, амин хувийн төлөө энэ улсаа сүйтгэх юм бэ. Тэр байтугай яваандаа танхимгүй болох ёстой юм билээ. Өнөөдрийн цаасан дээр биччихсэн байгаа зүйлийг нээх өөрчлөхгүйгээр гаргачихвал том дэвшил болно. Нэг Ерөнхийлөгч гарч ирээд Шүүхийг, Монгол Улсыг самраад байхгүй болно. Гэхдээ би хэлсэн шүү. Одоо нэгнээс нь айгаад нөгөөх рүү нь далдаганаж гүйгээд Ерөнхий сайдад асар их мэдэл очиж байгаа шүү. Энэ дахиад л буруу юм руу аваачих вий. Эцсийн эцэст шүүх хууль тогтоох гэдэг баланс  юм байна лээ шүү дээ" гэв.