УИХ-ын чуулганы нэгдсэн хуралдаанаар Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төслийг хэлэлцэж буй. Хуулийн төсөлтэй холбоотой УИХ-ын гишүүн Х.Баделхан орон нутагт улстөржилт их байдаг үүнийг хэрхэн шийдэж байгаа талаар асуулт асуулаа. Тэрбэээр "Хуулийн төслийг дэмжиж байна. Орон нутагт хэт улстөржилт байдаг. Үүнийг л одоо халах хэрэгтэй. Тодорхой асуудлаар ИТХ-ын зөвлөл ажиллах юм байна. Энэ утгаараа хуучны тэргүүлэгч гэдэг ойлголт алга болж байгаа юм байна. Энэ асуудал амьдрал дээр хэр зохицох вэ. Бүх асуудлыг ИТХ-аар хэлэлцэж болох уу" гэв.  УИХ-ын гишүүн Ж.Сүхбаатар "Улстөржилтийн асуудал яригдсан. Үндсэн хуульд оруулсан нэмэлт, өөрчлөлт дээр улс төрийн нам үндэсний хэмжээнд бодлого дэвшүүлж ажиллана гэж заасан. Тэргүүлэгчдийг алга болгож байгаа нь дандаа хурал хуралдана гэсэн үг биш. Их хурал дээр Байнгын хороо зарим асуудлыг шийддэг. Үүнтэй адил тэргүүлэгчдээс илүү хурлын хороодод түшиглэсэн зохион байгуулалт руу шилжихийг зааж өгсөн. Тэргүүлэгч гэсэн статустай дарга төлөөлөгчийг үгүй хийсэн" хэмээн хариуллаа.