УИХ-ын чуулганаар Ерөнхийлөгчийн 2021 оны төсөвт бүхэлд нь хориг тавьсан асуудлыг хэлэлцэж байна.

Хоригтой холбоотой гишүүд асуулт асууж үг хэлэх үеэр УИХ-ын гишүүн Ц.Даваасүрэн "Ковидын үед манайх халдвар хамгааллын дэглэм баримтлан бизнесээ явуулах эсвэл хатуу хөл хорио тогтоож бизнесээ бүр зогсоох. Төсөвт тавьсан бүх хөрөнгийг эдийн засгийн дахин хуваарилалт явж байна гэж ойлгож байна. Хөрөнгө оруулалт нь ялгаагүй эдийн засгийн эргэлтэнд орно. Тэрнээс биш хөрөнгө оруулалт аймшигтай зүйл биш. Энэ мөнгө чинь төрөөс зайлахгүй. Улс орон бизнесийн зогсоовол өрийн дарамтанд орох эрсдэлтэй. Энэ өвчин чинь бүх хүн тусахаараа үхчихдэг өвчин биш. Тэр тусмаа дархлаа сайтай залуучуудаа ажлын байраар хангах хэрэгтэй. Үүний дараа эрсдэлт бүлэг гэгдэх ахмад настан, суурь өвчтэй хүмүүсээ хамгаалах. Амны хаалт бол вакцины дараа орох хамгаалалт мөн шүү дээ. Бэлэн мөнгө тараах нь иргэдэд улам дарамт үүсгэнэ. Энэ цаг үед өдрийн орлогоороо амьдралаа авч иргэд яах вэ гэдэг асуудал үүсэж байгаа юм. Өмнө нь ахмадуудад мөнгө өгөхдөө төсвөөс гадуур өгчихсөн. Энэ арга замыг хэрэглэвэл яасан юм бэ. Төсөв рүүгээ орж болохгүй" гэв.