УИХ-ын чуулганы нэгдсэн хуралдааны үеэр УИХ-ын гишүүн С.Ганбаатар эрх баригчид чадамжгүй ажиллаж байна хэмээн шүүмжлэлээ. Тэрбээр "Корновирусийн цар тахалтай холбоотой тогтоолын төсөлд би дөрвөн санал гаргасан. 770 мянган иргэний орлогыг шийдэх, 60 мянган бикнес эрхлэгчид энэ үеэр золиослож байна. Зээлийн хүүг тэглэж, уахилгаан дулаанд хөнгөлөлт үзүүлэх хэрэгтэй. Гэтэл үүнийг нь хүлээж авсангүй. Олон соёлын төвөө барихаа зогсоо. "Оюутолгой", "Эрдэнэт" үйлдвэр зэрэг байгалийн баялагаа ашиглах хэрэгтэй гэсэн санал гаргасан. Шатыг дээрээс нь шүүрддэг юм. МАН-ынхан энэ санал дээр эрх ашгийг зөрчилтэй учраас таг дуугүй байна. Банкуудын гарт та нар оржээ. Эрдэнэт үйлдвэр, Оюутолгойд бараа, бүтээгдэхүүн шахдаг эрх мэдэлтнүүдэд хариуцлага тооцох ёстой. Шилэн Цогоогийн хэлж байгаа үнэн. Том компаниудад ашигтай шийдвэр гаргаж байгаа. Тийсээс эрх баригчид хариуцлагатай ажиллах хэрэгтэй. Оюутолгойн талаар нэг ч зүйл ярихгүй байна" гэлээ.

Энэ талаар УИХ-ын гишүүн Л.Энх-Амгалан "Бусдын зовлонгоор улс төр хийж болохгүй. Тоглоом тоотой нь дээр. Та өөрөө ажлын хэсэг дээр байгаа. Ажлын хэсэг хоёр удаа хуралдсан. Өнөөдөр ажлын хэсэг дээр ажилласан Ц.Туваан, Н.Алтанхуяг гишүүн ажил хэрэгч санал гаргаж, үүнийгээ тусгуулсан. Та өөрөө ажлаа хийх хэрэгтэй. Та ярьж байгаа зүйлээ хууль болго. Зарчмын зөрүүтэй саналаа гарга. Камерын өмнө ард түмэндээ хайртай жүжиг тоглож олохгүй. Оюутолгой дээр таниас илүү хатуу саналтай байгаа. Засгийн газрын толгойг илсэн зүйл байхгүй.  Цахилгаан дулааны асуудал дээр Засгийн газар тооцоо хийж байгаа юм билээ. Хамгийн эхэнд бид өдрийн орлогоор амьдарч байгаа 150-180 мянган иргэний асуудлыг шийдэх хэрэгтэй" гэв.