УИХ-ын чуулганы үдээс хойшхи нэгдсэн хуралдаан эхэллээ. “Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай” Улсын Их Хурлын тогтоолын төслийг хэлэлцэж байна. 

УИХ-ын Ц.Даваасүрэн: Ковид бидэнд маш том анхааруулга өгч байна. Манайд шинжлэх ухаан ч хандлага байхгүй гэдгийг харуулж байна. Улстөрчид өөрсдийгөө шинжлэх ухааны салбарынхнаас том гэж бодоод байгаа. Нэг хүн нэг ТББ төрийн амыг таглаж байна. Төр нь өөдөөс нь шинжлэх ухаанч хариулт өгч чадахгүй байна. Хамаг эрдэмтдээ дэлхийгээр нэг тараачихсан. Найман сар өрнөсөн вирусийн халдварыг тооцоолж, эдийн засгаа аврах хэрэгтэй. Хаалгаа барьчихсан аж ахуйн нэгжүүд чинь ямар татвараа хөнгөлүүлэх юм. Авч байгаа арга хэмжээ нь үр дүнтэй байхын тулд халдвар хамгааллаа мөрдүүлж бизнесээ явуул. Манайд хяналт, шалгалт хариуцлага ярьдагч чрихаас цаашгүй байна. Вирусийг дотооддоо алдчихлаа. Ямар хариулага тооцсон бэ. Хэдэн хүнийг цагдаад өгсөн гэсэн. Хуучин бол Их хурал Сайд нар хариуцлага тооцдог байсан. Япон Улс бол аль хэдийн нэг нь огцорчихсон байгаа. УИХ-ын гишүүд дан ганц хууль тогтоодог байгууллага биш. Бүх салбарт чиглэл өгч, бодлого тодорхойлж болно. Засгийн газрын буруу шийдвэрийг бид өөрчлөх эрхтэй шүү.