УИХ-ын чуулганы хуралдаан үргэлжилж байна. Монгол Улсын Засгийн газар, Японы олон улсын хамтын ажиллагааны байгууллага хоорондын “Ковид-19 цар тахлын эсрэг хариу арга хэмжээний яаралтай тусламжийн зээл”-ийн Зээлийн хэлэлцээрийг соёрхон батлах тухай хуулийн төслийг хэлэлж байгаатай холбоотой гишүүд асуулт асууж, хариулт авч байна.

УИХ-ын гишүүн Х:БОЛОРЧУЛУУН: Япон Улсаас 230 сая ам. доллартай тэнцэх хэмжээний зээл авна гэж ойлголоо. Ковидын үед авч байгаа ч төсвийн алдагдал цоорхойгоо нөхөх нь. Бага хүүтэй урт хугацаатай гэж байгаач өр үүсэж байгаа юм. Монгол Улсын өр хэтэрч байна. Сангийн яам авсан зээлээ багасгах ёстой. Манайх 31 тэр ам.долларын өр зээлтэй байна. Эдийн засаг, улс төрийн хувьд хараат болох нь. Монгол Улсын өрийн тааз хэд хүрчих вий. Бид алт зээл, зэс, жоншны үнэ өндөр байхад өр тавьж байгаа. Бид айлаас ирэхээр авдараа уудал гэж. "Эрдэнэт" үйлдвэрээс илүү орлоготой "Оюу толгойн" ордоосоо илүү орж байгаа нийт татвараасаа илүү өр нь их байна. Энэ бол аюул. 

Сангийн сайд Ч.ХҮРЭЛБААТАР: 2016 онд Монгол Улсын Засгийн газрын дотоодын нийт бүтээгдэхүүнд эзлэх хувь хэмжээ нь 78.8 хувь байсан. Есдүгээр сарын байдлаар 57.2 хувь болж одоо 21.6 функтээр буучихсан байгаа юм. Энэ нь эдийн засаг, төсөвт учруулах дарамтыг бууруулж байгаа. Өнөөдрийн байдлаар өр найман их наядаар буурсан. Энэ оны төгсгөлд хүлээгдэж байгаа гүйцэтгэл 62.1 хувь гэж мэдэгдэж байгаа та бүхэнд танилцуулсан.

УИХ-ын гишүүн Х:БОЛОРЧУЛУУН: Сангийн сайдаа 78.8-аас 57.2 болсон гэж худлаа тоо хэл. Битгий хүмүүсийг хуур. ДНБ-ийн баялаг тэгж өсөж, нэмэгдээгүй. Харин мөнгө нь ч орж ирэхгүй байгаа гадаад экспортод гарч байгаа Оюутолгойн баялаг чинь ДНБ-д орж байгаа. Гэтэл ашиг нь манай улсын эдийн засагт ямар нөлөө үзүүлэхгүй байгаа. Хийсвэр тоо яваад байна. Манай өрийн тааз Үндэсний аюулгүй байдалд нөлөөлөх хэмжээнд хүрсэн.