УИХ-ын гишүүн Б.Пүрэвдорж "Мах экспортод гаргах квотыг энэ жил ХХААХҮЯ Улаан сайдынхаас арай дээрдүүлсэн байна. 10 гаруй компани мах экспортод гаргах юм байна. Гэхдээ нөгөө компаниуд нь үлдсэн 100 гаруй аж ахуйн нэгжийнхээ махыг экспортлохын тулд 6-7 юань төлдөг. Гэтэл малчдын гар дээрээс маш хямдаар худалдаж авч байгаа. Дээр нь Үндэсний үйлдвэрлэгчид мах худалдан авах нь багассан. Мах бол ифляцид тодорхой хэмжээгээр нөлөөлдөг шүү. Цаашид малчдын оролгыг нэмэгдүүлэх чиглэлээр Монголбанкнаас санхүүжилт гаргах хэрэгтэй. Хамгийн багадаа 200 орчим тэрбум төгрөг шаардлагатай. Өвөлжилт хүндэрсэн аймгуудын малын худалдаж авах шаардлагатай байна" гэлээ.

ХҮААХҮ-ийн сайд З.Мэндсайхан "Мах экспортлох компанийн квот бага байгаа нь үнэн. Одоогоор манайд 41 аж ахуйн нэгж хүсэлтэй ирүүлсэн байна. Эдгээрийг бид БНХАУ-ын Гаалийн байгуулллагаар дамжуулж хүсэлт тавьсан. Тус улсын Гадаад харилцааны сайдыг ирэхэд бид энэ талаар санал гаргасан. Мөн мах экспортыг дэмжих санхүүгийн эх үүсвэрийг шийдвэрлэх талаар Монголбанканд чиглэл өгсөн" гэв.